NON AO TTIP GALIZA CONVOCA MANIFESTACIÓN NACIONAL CONTRA OS TRATADOS DE LIBRE COMERCIO

                15 de Outubro de 2016

NON AO TTIP GALIZA CONVOCA

MANIFESTACIÓN NACIONAL

CONTRA OS TRATADOS DE LIBRE COMERCIO

A mobilización central de Galiza durante o Outono En Resistencia Global terá lugar en Vigo baixo o lema “Nin CETA, Nin TTIP, Nin TISA!! Non aos Tratados de Libre Comercio!!

Vigo.- A Campaña Non ao TTIP Galiza integrada por máis de 50 organizacións* convoca este sábado 15 de outubro de 2016 a unha Manifestación Nacional contra os Tratados de Libre Comercio baixo o lema “Nin CETA, Nin TTIP, Nin TISA!!”.

A manifestación percorrerá as rúas de Vigo (cruce de Vía Norte, ás 19:00), sumando a galegas e galegos aos milleiros de voces que durante os meses de setembro a novembro realizarán diversas mobilizacións e accións de xeito continuado e coordinado contra os Tratados de Libre Comercio nos 5 continentes, e que no estado español, concretamente, iniciou a semana de mobilización o pasado 8 de outubro e rematará o vindeiro día 15.

A mobilización en Europa centrarase especialmente en visibilizar e dar resposta ao proceso de aprobación do CETA (acordo entre a UE e Canadá), que en caso de aprobarse converteríase nunha porta traseira para o TTIP (acordo entre a UE e EEUU). O CETA atópase actualmente en proceso de aprobación, e a finais de 2016 dará o seu paso clave coa votación no Parlamento Europeo.

O CETA e o TTIP conteñen mecanismos como o ICS (Sistema Xudicial de Investimentos, onde as empresas poderán denunciar aos estados polo mero feito de non obter beneficios), ao tempo que abren a porta a diversas prácticas contra a saúde ou o medio ambiente como son o fracking ou a eliminación do “principio de precaución”.

Dende a campaña de Non ao TTIP Galiza queremos facer  un chamamento a todas as persoas e organizacións da sociedade civil para participar na semana de resistencia contra os Tratados de Libre Comercio e Investimentos, para visibilizar os milleiros de olladas que dende a diversidade esiximos a suspensión de todos os tratados que ameacen ao planeta e os dereitos humanos. O 15 de Outubro Galiza formará parte do”Outono en Resistencia!”, dicindo ben claro que non quere Nin CETA Nin TTIP.

——————————————————————————————————————————————————

*As organizacións formantes da Campaña Non ao TTIP Galiza e convocantes da mobilización do 15 do Outubro son:

ACOUGA

ADEGA

ADICAE

AER Agrupación de Electores de Redondela

A Cova dos Ratos

Amigos da Terra

ANOVA Vigo-Mos

ANOVA-Irmandade Nacionalista

BNG

Candidatura de Unidade Popular Chantada (CUP)

CCOO (SN de Galiza)

CIG

Comités Abertos

Compostela Aberta

Consumo Consciente Árbore, Soc. Coop. Galega

ContraMINAcción

Coordinadora Galega de ONGD

Coordinadora Nacional Galega da Marcha Mundial das Mulleres

Democracia Real Xa-Vigo

DesPensa

ECOAR)))

En Marea

Entremos na Panificadora

EQUO Galiza

Esquerda Unida

Fronte Cívica Somos Maioría

Greenpeace Galicia

Marchas da Dignidade (Columna Galega)

Marea Atlántica

Marea Pontevedra

Marea de Vigo

Os Ninguéns

ODS Coia

Panxea

Partido Comunista de Galicia

Plataforma Cidadá de Ourense “Non ao TTIP”

Plataforma “Non ao TTIP” Ría de Arousa

Plataforma pola Defensa de Corcoesto e Bergantiños

Podemos Galicia

Podemos Gondomar

Podemos O Barco

Podemos Vigo

Riada Cidadá O Barco

Rede Social Galicia Sur

RSP-Vigo

Sindicato Ferroviario SF-Intersindical

Sindicato Labrego Galego

TANKOllectif

Tarabela Grupo de Consumo

Verdegaia

Xuventude Comunista

Zocamiñoca

——————————————————————————————————————————————————

FIN

Máis información: nonaottip@gmail.com

Comments are closed