- O Acordo Económico e de Comercio entre a Unión Europea e Canadá “pon en xogo unha ampla gama de normas de saúde pública, de consumo e de medio ambiente”, segundo un grupo de investigadores.
Os lobbies de presión xogan un papel importante nas negociacións do CETA.
09 Febreiro 2017
O Acordo Económico e de Comercio (CETA) que a Unión Europea ha pechado con Canadá fortalecerá aínda máis aos grupos de presión lobbistas, proporcionándolles un acceso temperán e exclusivo ao proceso lexislativo, segundo un informe publicado polo Corporate Europe Observatory (CEO).
O estudo conclúe que o obxectivo é que o CETA funcione como unha plataforma para que os lobbies inflúan nas propostas lexislativas da UE e Canadá, mesmo antes de que os parlamentos nacionais tiveran a oportunidade de expresar a súa opinión. Os autores do informe lembran que, durante a negociación do Tratado de Libre Comercio entre México, EEUU e Canadá (NAFTA), os lobbistas conseguiron a autorización de pesticidas tóxicos, prohibidos noutros países da OCDE, en territorio canadense. Debido a estas presións, Canadá cedeu o posto á UE como principal baluarte na saúde e a protección ambiental.
O informe tamén advirte que o Foro de Cooperación reguladora do CETA promoverá cos lobbistas unhas negociacións moi similares ás do NAFTA. O investigador Stuart Trew, un dos autores do documento, denuncia os “procesos turbios dominados por lobbistas” que levan este tipo de tratados de libre comercio. E asegura que o CETA “pon en xogo unha ampla gama de normas de saúde pública, de consumo e de medio ambiente, xa que poden ser influenciadas, inhibidas, atrasadas ou mesmo bloqueadas polos intereses comerciais”.
“O CETA está vinculado a altos riscos para a saúde pública e a protección do medio ambiente”, coincide a activista Lora Verheecke, quen lembra o que sucedeu co NAFTA. “Cando as Administracións de Canadá e EEUU avaliaron conxuntamente seis produtos químicos baixo a cooperación regulatoria do NAFTA, o seu grupo de traballo estaba dominado por lobbies de grandes empresas, entre elas algúns que contribuíran a atrasar a proposta de prohibición de praguicidas daniños na UE”, argumenta.
Fonte: La Marea